Мақалада білім беруді цифрландыру мен ақпараттық-коммуникациялық технологияларды дамытудың маңызды компоненттерінің бірі қарастырылады. Сандық білім беру ресурстарының сипаттамасы Қазақстан мен Ресей тәжірибесі мысалында салыстырылады. Бұл тақырып тек екі көрші ел ғана емес, бүкіл әлемді қамтыған соңғы оқиғалар аясында аса өзекті болып отыр. Әрине, бұл Covid-19 пандемиясы туралы. Қазіргі жағдайда сандық ресурстарды талдау, жаңа педагогикалық бағдарламалық құралдардың болуы карантиндік шектеулер жағдайында сабақ сапасын арттыруға көмектеседі.