Бұл мақалада балаларға арналған кітап негізін ала отырып, кітап графикасының мәселелері талқыланады. Зерттеудің әдіснамалық негізі: ғалымдардың кітап графикасы бойынша еңбектері, балаларға арналған кітаптардың иллюстрациялары, зерттеліп отырған мәселенің әр түрлі аспектілері туралы ғылыми еңбектердің жинақтары, кітап графикасы көрмелерінің каталогтары, сондай-ақ социологиялық зерттеу нәтижелері болды. Зерттеу гипотезасы: егер кітап графикасы синтетикалық өнер түрі бола тұрып, бала жасынан тұлға қалыптастырудағы білім беру мен тәрбиелік әлеуметтілікті камтитын болса, онда бейнелеу өнерінің бұл түрі тәрбие берудің маңызды құралдарының бірі болып табылады. Сондай-ақ қоғамдағы өз кезегіндегі жарқын әрі кең таралған қол жетімділігімен маңызды.