«Рухани жаңғыру», «Туған жер» бағдарламаларын жүзеге асыру аясында жазылған мақалада Батыс Қазақстан облысындағы Орда ауданының 1952 жылы «Капустин Яр» әскери сынақ аймағына айна-луының әлеуметтік-экономикалық зардаптары ғылыми зерттеу нысанына алынған. КСРО билігі әскери сынақ аймақтары жөніндегі қандай да бір мәліметтерді аса құпия ұстап келгені белгілі. Автор Батыс Қазақстан облыстық мемлекеттік архив, облыстық кітапхана қорларында сақталған тарихи деректер, қолжазбалар мен мерзімді басылымдарда жарияланған естеліктерді алғаш рет ғылыми айналымға енгізе отырып, әскери сынақ аймағына айналдырылған Орда ауданын ежелден мекен еткен жергілікті қазақ халқының Оңтүстік Қазақстан облысы мен республиканың ішкі аудандарына арнайы депортациялан-ғанын ғылыми негіздейді. Күштеп қоныс аударудың қазақ халқына тигізген әлеуметтік-экономикалық зардаптарын ашып көрсетеді.