Мақалада С. Аманжоловтың түркі халықтарының шығу тарихына арналған еңбектеріне талдау жасалады. Мақала авторлары С.Аманжоловтың түркі тайпаларының пайда болуы мен дамуы туралы көзқарастарына талдау жүргізіп, баға берген, сондай-ақ, ғалымның қазақ халқының этногенезіне арналған жұмыстарына зерттеу жүргізген. С.Аманжоловтың оған дейінгі түркі халықтарының тарихын зерттеген ғалымдардың еңбектері туралы пікірлері егжей-тегжейлі талданған. Сонымен қатар, С.Аманжоловтың Ұлы Отан соғысы жылдарындағы саяси жетекші болып жұмыс істеген және түркі тілдес әскери қызметшілерге аударма жасауға көмектескен кезіндегі қызметі баяндалады.