Мақалада 1987-1988 жылдары Қазақстанда өмір сүретін этникалық топтардың саяси-қоғамдық жағдайы, білім алуы және мәдени дамуы қарастырылған. Аталған уақытта еліміздің этникалық құрамы жағынан көпұлтты болуы және бұл этникалық топтардың мәдени дамуының тұтастығын тәуелсіз Қазақстан біріктіруші болып табылады. Қазақстанда 1987-1988 жж. өмір сүрген этникалық топтардың саяси-қоғамдық жағдайын зерттеу, бүгінгі тәуелсіз Қазақстанның этносаяси және этномәдени тарихын зерттеуге мүмкіндік береді. Қазақстанда өмір сүретін этникалық топтардың саяси-қоғамдық жағдайы үнемі зерттеуді талап етіп отыратын мәселелердің бірі. Өйткені көптеген этностар қазақ жеріне саяси қысым, мәжбүрлеу, қуғындау саясаты нәтижесінде қоныстанған. Сол себепті, авторлар мақалада Қазақстанда өмір сүріп жатқан этникалық топтардың саяси-қоғамдық жағдайы туралы дұрыс ғылыми көзқарас қалыптастыру маңызды екендігін алға тартады. Бүгінгі таңда елімізде Кеңестік дәуірден кейін этносаралық тұрақтылықты сақтау мемлекеттің ішкі саясатының маңызды басым бағыттарының бірі болып саналады. Мақалада Қазақстанда өмір сүретін этникалық топтардың саяси-қоғамдық жағдайын қарастыру үшін жекелеген авторлардың еңбектері мен мұрағат құжаттары ғылыми айналымға тартылды.