Ұсынылып отырған мақалада И.В. Сталин қайтыс болғаннан кейінгі КСРО мемлекеттік саясатындағы өзгерістердің себептері, кеңестік және шетелдік тарихнамадағы елдің қоғамдық өмірін демократияландыру ісін жүзеге асырудағы Кеңес Одағының Сталиннен кейінгі Л.П. Берия, Н.С.Хрущев сияқты  басшыларының рөлі, оңалтудың толықтығы мен толық еместігі, сталиндік репрессиялардың бағыты, олардың негізділігі мен негізсіздігі және олардың құрбандарының саны туралы пікірталастар мен даулар қарастырылған,  Мемлекеттік оңалту саясатының жалпы кезеңділігі берілген. «Хрущевтік жылымық» кезеңіндегі оңалту процесінің заңнамалық негізі «КСРО Жоғарғы Кеңесі Президиумының 1953 жылғы 27 наурыздағы «Рақымшылық туралы» Жарлығы, КСРО Жоғарғы Кеңесі Президиумының 1956 жылғы 24 наурыздағы «Лауазымдық және экономикалық қылмыстарға  қатысты жазасын өтеп жатқан адамдардың істерін қайта қарау туралы»  Жарлығы сияқты құжаттарды талдау негізінде қарастырылады. 1953-1964 жылдардағы «Хрущевтік жылымық» кезеңіндегі оңалту процесінің кемшіліктері, қорытындылары қаралды, көрсетілген жылдары оңалту процесі бойынша қорытындылар жасалды және Қазақстанда оңалту процесінің басталуының ерекшеліктері анықталды.