Ұлы ақын Абай патша заманында өмір сүріп, сол қоғамның өміріне белсене араласты. Болыстық қызмет те атқарып, түрлі даулы мәселелерді шешуге қатысты. Жер аударылған орыстың социал-демократтарымен тығыз араласып, Европа елдерінің классикалық шығармаларымен, ежелгі және жаңа кезеңнің философтарының еңбектерімен жете танысты. Оның шығармашылығы жасөспірімдерді қазақ халқына қызмет етуге дем берді, ұлт мәдениеті арқылы олардың оқуға, білімге деген рухын қолдады.
Мақалада Абай еңбектерінің қазақ зиялылары Ә.Бөкейхан, А.Байтұрсынов, М.Дулатов, Р.Мәрсеков, Ж.Аймауытов және М.Әуезов тарапынан бағалану барысы қарастырылады. Абай өлеңдерінің мәндік-мағыналық маңызы ашылады. Ақынның саналы, білімді, иманды, әділді ұрпақты тәрбиелеудегі философиялық ой-толғамдары сараланады.