Мақала Жошы Ұлысындағы XIV ғасырдағы ерте мұсылман кесенелеріндегі жерлеу рәсімдерінің ерекшеліктерін қарастыруға арналған. Дамыған орта ғасырларда Сарыарқаның кең байтақ жерінде, Нұра, Есіл, Сарысу, Кеңгір, Торғай өзендерінің алқаптарында бастапқы исламның таралу процесі жүріп жатты. Сарыарқа даласы тұрғындарының рухани мәдениетін ашатын тікелей жазбаша деректер жоқ. Сондықтан негізгі дерек көзі көршілес аумақтардың ортағасырлық тарихы туралы мәліметтермен салыстырғанда тек археологиялық материал бола алады. Археологиялық деректер бойынша, XIII-XIV ғғ. қалалардың сәулеттік келбетінің айтарлықтай өзгеруі байқалады, оларда мұсылман сәулет өнерінің дәстүрлері (мешіттер, медреселер, моншалар), жаңа ғибадат-мемориалдық кешендерінің (кесенелерінің) таралуы және мұсылман қағидалары бойынша жерлеу рәсімдері анық байқалады.