Мақалада авторлар 1991-2018 жылдар аралығындағы тәуелсіз Қазақстанның білім беру жүйесінде қабылданған бағдарламалар мен реформалар жайлы сөз қозғайды. Қазақстан Республикасының 27 жыл аралығындағы оқу жүйесінде кездескен қиындықтар мен оны шешу жолдары, жаңа бастамалар желісі мен тың идеялар қарастырылады.
Қазақстан Республикасындағы білім беру саласында қабылданған заңнамалық актілер бойынша орындалу реттілігін қарастыра отырып, авторлар атаулы заңдардың мезгілінен бұрын орындалуы, оңтайлы және шешімін таба алмаған тұстарында ашып көрсетуге талпыныс жасайды. 1991-1996 жылдар аралығында білімнің 4 принциптік деңгейі яғни, мектеп жасына дейінгі оқу мен тәрбие, орта білім, жоғары білім және жоғары оқу орнынан кейінгі білім қиын қыстауда қалғанын статистикалық мәлімет-терге сүйене отырып зерттеуге тырысады. Болон жүйесіне Қазақстан Республикасының қосылуы, бакалавриат-магистратура-докторантура жүйесінің аймақтық жоғары оқу орындарына енуі, сонымен қоса, білім беру жүйесін әлемдік стандартқа сай көшіру мен қазіргі кезде шешімін таба алмай отырған үрдістегі мәселелер тізбегі көрініс алады.