Мақалада Жапониядағы династиялық саясаткерлер феномені, оның механизмдері мен қоғамның әлеуметтік-мәдени және институционалдық ерекшеліктері қарастырылады. Жапон саяси жүйесінің бірегей механизмдері анықталып, талданады. Сайлау науқаны кезінде туысқаннан ауданды еншілеген әулеттік кандидаттардың парламентке сайлану ықтималдығы жоғары. Бұл үдерісте саясаткерлердің өздері ғана емес, бюрократия, бизнес және сайлау округтерін қолдау топтары да маңызды рөл атқарады. Оның үстіне, бұл құбылыс формальды түрде демократиялық институттарға сәйкес келеді және жапон қоғамының қалың бұқарасының наразылығын тудырмайды. Сонымен қатар әулеттік саясаткерлер саяси процеске қатысушылармен көбірек байланысты және ресурстарды біркелкі бөлуге қатыса алады.