Ұлы Отан соғыстан кейінгі онжылдықта қираған шаруашылықты қалпына келтіру жұмыстары мемлекет үшін маңызды болды. Халықтың әл-ауқатын көтеру, экономикалық инфрақұрылымды қалпына келтіру қыруар қаражат пен рессурстарды талап етті. Қалалар мен зауыт-фабрикаларды қалпына келтіру мақсатында әскер қатарында болған жауынгерлерді демобилизациялау шешім қабылданды. Жоспарланған жұмыстардың ішінде ауыл шаруашылығының өнімділігін арттыру да маңызды мәселе болды. Колхоз бен совхозға жүктелген жұмыстар өте күрделі болды. Өнімділікті арттыру үшін мемлекет әкімшіл-әміршіл әдістерді қолдана бастады. Ауылдық аймақта өмір сүрген шаруалардың әлеуметтік жағдайы ауыр болды. Колхоз мүшелері өздерінің еңбегі үшін жалақыны ақшалай алмады. Әрбір колхоз мүшесі жоспар бойынша еңбеккүн өтеу қажет болды. Егерде бекітілген еңбеккүнді өтемеген шаруалар әкімшілік, қылмыстық жауапкершілікке тартылды. Осындай ауыр жағдайларда шаруалар барынша мемлекеттік шаруашылықты қалпына келтіру үшін еңбек етті.