Мақалада «Қазақстан Республикасы азаматтарының өмір сүру сапасы мен әл-ауқатын арттыру жағдайында сыбайлас жемқорлыққа қарсы саясатты жаңғырту тетіктерінің кешенін әзірлеу» социологиялық зерттеудің кейбір нәтижелері берілген. Сыбайлас жемқорлықтың әртүрлі социологиялық зерттеулерінде қолданылатын әдістемені зерттеуге, сондай-ақ сапаны арттыру аясында әлеуметтанулық зерттеулердің әртүрлі әдістемелік тәсілдерін талдауға басты назар аударылады. Зерттеу жұмысының негізгі бағыты мүдделерді салыстыруға бағытталған және елдегі оның жалпы деңгейін бағалауға ғана емес, сонымен қатар сыбайлас жемқорлыққа бейім секторларды анықтауға мүмкіндік беретін сыбайлас жемқорлықты өлшеу әдістері зерттеліп, қорытындылар жасалды. Бұл тәсіл авторларға сыбайлас жемқорлықты өлшеу әдістерінің алгоритмін анықтауға мүмкіндік береді. Сыбайлас жемқорлық көрсеткіштері сыбайлас жемқорлыққа қарсы саясатты жүзеге асыру үшін үлкен маңызы бар саяси, экономикалық және әлеуметтік жағдайдың өзіндік көрсеткіштері ретінде әрекет етеді. Сұрақ қою тәсілдеріне, респонденттерге жиі қойылатын сұрақтарға талдау жүргізілді. Сыбайлас жемқорлықты қабылдаудың әлеуметтік зерттеулерінің объективтілігіне, сондай-ақ олардың халықтың өмір сүру деңгейі мен әл-ауқатын арттыру жөніндегі шараларды әзірлеу бөлігіндегі тиімділігіне баға берілді.