Сыр бойы ежелгі кезеңдерден бері адамзат баласының өмір сүруіне ыңғайлы аймақтардың бірі болғандығы әбден анық. Себебі, Сыр бойында орналасқан қалалар мен үлкен көлемді қорымдар бұл пікірімізге дәлел болуда. Тарихқа толы Сыр өңірінің ежелгі қалалар мен қорымдары осы күнге дейін аз зерттелгендігі баршаға мәлім. Осы себептерге байланысты біз бұл мақалада, Сыр бойнында өмір сүрген қаңлы тайпаларының Жетасар, Отырар-Қаратау, Қауыншы мәдениеттерінің таралу аймағы, өзіндік ерекшелігі жайында мағлұматтар бере отырып, 2017 жылы Мыңтөбе қорымында жүргізілген археологиялық зерттеулерге тоқталдық. Сонымен қатар, Мыңтөбе қорымындағы көне обаларды қандай тайпалар, қай уақытта тұрғызғандығын анықтай отырып, өңірдің ежелгі тарихын келешек ұрпаққа сақтау, насихаттау, ғылыми айнылымға енгізу жұмыстары қарастырылды.