Мақалада «жаңа бағыттағы» лейборизм ұғымына тоқтала келе, Ұлыбританиядағы осы лейбористтік партияның саяси ұстанымдарын күрт өзгерту арқылы Тони Блэрдің билік басына келу алғышарттары қарастырылған. Сонымен қатар, Т. Блэрдің лейбористтік партияның ішіндегі беделі, өзіндік құндылықтары талданды. ХХ ғасырдың соңы мен XXI ғасырдың басында ағылшын экономикасы жақсы қарқынмен даму жолына түскендігі баяндалған. Жиырма жылға созылған жаңа реформа кезінде қазіргі салалық құрылымдар жоғары қарқынмен дамып, ағыл- шын өнімдерінің бәсекелестік деңгейі мықты екенін дәлелдей түсті. Өндірілетін өнеркәсіп өнімдерін көбейту жолындағы қызмет көрсету жұмысы алғашқы орынға шықты. Ауыл шаруашылығы саласы да жақсы дамып, халықтың азық-түлікке деген сұранысы қамтамасыз етілді.