Мақала Қазақстан Республикасының Тәуелсіздігіне отыз жылдығына орай жазылған. Осы отыз жыл ішінде Қазақстан жеткен жетістіктер мен алға қойылған мақсат, міндеттер туралы айтылды. Мақаланы жазу барысында  Тұңғыш Президент Н.Ә.Назарбаевтың Қазақстан халқына жолдауы, Президент Қ.Ж.Тоқаевтың мақалалары пайдаланылды. Ел өмірінде қандай елеулі оқиғалар болды, отыз жыл бұрын Тәуелсіздікке қалай қол жеткіздік, отыз жыл ішінде қандай  қойылған міндеттерді атқардық, осы мәселелерге қысқаша шолу жасалынды. Ендігі төртінші онжылдықта еліміз қандай болады, неге басты назар аударылады деген сұрақтарға жауап ізделінді. Халықты еститін мемлекетті қалай құрамыз,  Президент қалаған әділетті мемлекет дегеніміз қандай мемлекет, тарихтағы ақ таңдақтарды қалай ашамыз, тарихқа жаңаша көзқарасты қалыптастыру, ұлттық бірегейлікті бекіту, рухы бір, тілі бір ұлт қалыптастыру сияқты идеялары. Төртінші онжылдықта Президенттің алға қойған мақсаты қуатты мемлекет жасау, халықтың әлеуметтік жағдайын көтеру. Ел экономикасынан олардың игілік көруі. Бірақ оның бәріне Президент жалғыз жетпейді, «Тәуелсіздік бәрінен қымбат» деген ұран әр қазақстандықтың жүрегінде, тілегінде болуы керек. Білек сыбана,бірлесе ел игілігі үшін қызмет еткенде ғана Тәуелсіздігіміз баянды болмақ. Бабалар аңсаған асқақ арман мәңгілік болып қалмақ.