Қазіргі елдердің диаспоралармен белсенді қарым-қатынасы диаспоралық саясаттың институционализациялануының дамуына ықпал етті. Шетелде тұратын отандастарға және қалыптасқан диаспораларға қатысты саясат жүргізу үшін үкімет деңгейінде квазимемлекеттік, жартылай үкіметтік ұйымдар құрыла бастады. Оңтүстік Корея шетелдегі отандастармен қарым-қатынасты Диаспоралық саясат комитеті мен Шетелдегі корейлер қоры арқылы жүзеге асырады.

Бұл мақалада осы екі мекеменің негізгі мақсаттары, функциялары мен қызметінің ерекшеліктері қарастырылады. Нормативтік-құқықтық құжаттар – «Шетелдік корейлер қоры» туралы заң мен «Диаспоралық саясат жөніндегі комитет» туралы ереже екі мекеменің функцияларындағы айырмашылықты көрсетеді. Шетелдегі отандастарға қатысты саясатты әзірлеу және қабылдауды Диаспоралық саясат жөніндегі комитет жүзеге асырса, ал Шетелдегі корейлер қоры бұл саясаттың қабылдануына қатыспай, оны тікелей іске асыруымен айналысады.