Мақалада авторлар ҚХР-ның бүгінгі даму барысында алға ұстап отырған «Қытай арманы» саясатын жүзеге асырудың амалдарының бірі ретіндегі «Бір белдеу-бір жол» жобасын жүзеге асыру, сол арқылы жаңа еркін экономикалық аудандар құру жағдайына тоқталады. Өте кең ауқым мен әлеуетті қамтитын «Бір белдеу-бір жол» стратегиясы осы мақсатты жүзеге асыру үшін үшін таптырмас құрал болып табылады. Жаңа белдеу бойында құрылатын еркін экономикалық аймақтар ҚХР экономикасы үшін өте тиімді жағдай туғызып, қытайлық «жұмсақ күшті» де жүргізуге үлкен мүмкіндіктер береді. Авторлар сондай-ақ аталған шаралардың көрші аймақтарға, әсіресе Қазақстан Республикасына ықпалы мен әсеріне талдау жасайды.