2020 жылы Әл-Фараби атындағы ҚазҰУ-ті жанындағы "Геоархеология" халықаралық ғылыми-зерттеу зертханасының археологиялық экспедициясы Алматы облысы, Жамбыл ауданы, Кеңсай археологиялық кешенінде ғылыми-зерттеу жұмыстарын жүргізді. Экспедиция аясында
археологияның әр түрлі және түрлі кезеңдегі ескерткіштері – қола дәуірінің тас жәшіктері, үйсін-түркі кезеңінің қорғандары және кейінгі орта ғасырдың жерленген орындары зерттеліп, қазылды. Бұл мақалада авторлар түркі дәуіріне қатысты зерттеулердің нәтижелерін береді. Осы нысанды талдай келе, табылған ілеспе қабір ішілік-заттарға қарағанда, зерттелген қорған түркі кезеңіне жатады және жауынгердің? жылқымен жерленген жері болып табылады (жерлеу орны тоналған болып шықты, марқұмның сүйектері мүлдем кездеспейді деуге болады). Жетісу аумағының осы әскери-ғұрыптық жерлеу нысандарын алдын - ала талдау нәтижелері б.з. X-XI ғғ. дамыған түркі мәдениетінің заттық кешенін айқын көрсетеді. Алынған нәтиже Жетісу өңірін кешенді археологиялық зерттеуді жалғастырудың қосымша дәлелі болып табылады.