Аталған мақалада негізінен ХХ ғасырдың 20-30 жылдарындағы өлкедегі сауатсыздықпен күрес пен осы тұста елдегі латын әліпбиіне көшу мәселесіне қатысты айтыстар қарастырылған. Ондағы Алаш зиялыларының қызметі сөз болады. Әсіресе қазақ зиялыларының елдегі орын алған мәдени қозғалыстарға ат салысып, қазақ елінің болашағы үшін күресі баяндалады. Оқу-ағартула саласына қатысты атқарған қызметтері баяндалады. Сонымен бірге мақалада өлкеде латын әліпбиін енгізу мен оған қатысты айтыстар мәселесі де көтерілген. Жаңа әліпбидің енуіне орай зиялылар тобының ескішілер мен жаңашылдар болып айтысуы, соңында бір мәмілеге келе отырып, жаңа әліпби ережесі мен оған қатысты оқу құралдарын шығаруы сөз болады.