Мақалада ХІХ ғасырдың ІІ жартысы мен ХХ ғасырдың басындағы Жетісу қазақтарының тұрмысы мәселесі, яғни киім, тағам, тұрғын үй, бұйым, жиһаз түрлерінің өзгеруі, халықтың жаңа тұрмысқа бейімделу мәселелері қарастырылады.
Аталған уақыттардағы Жетісу қазақтарының тұрмысы мәселесі Отан тарихының өзекті тақырыптарының бірі болып табылады. Себебі 1867-1917 жылдар аралығында орын алған саяси-экономикалық және әлеуметтік өзгерістер қоғамдық қатынастармен бірге тұрғындардың ішкі өміріне де тереңдеп еніп, байырғы өмір сүру салтының ыңғайына қарай ежелден қалыптасып дамыған тұрмысы мен салт-санасын күрт өзгерте бастады.