Мақалада әлемнің екінші ұстазы, ғұлама ғалым әл-Фараби есімінің қазақ ортасына оралуына қатысты мәселелер сөз болады. Яғни фарабитанушы, геолог-ғалым Ақжан Машанидің ғұлама ғалым әл-Фарабидің қазақ топырағынан шыққандығын дәлелдейтін деректер келтіріледі. А. Машанидың әл-Фараби есімін танытуда жасаған жұмыстары айтыла отырып, ғалымның өмір жолы мен шығармашылығына қатысты пікірлер қарастырылады. Сонымен қатар қазіргі қазақ ғалымдарының фарабитануға зор үлес қосқаны айқындалады. Үстіміздегі жылы Әл-Фарабидің мерейтойы халықаралық деңгейде ЮНЕСКО аясында аталып өтуіне орай ғұламаның есімін жас ұрпақтың санасына сіңіре отырып, нағыз қазақ топырағынан шыққан ғалым екендігіне қатысты пікірлер талданады