Ұлы Жібек жолы ежелгі және ортағасырлар дәуірінде Шығысты Батыспен байланыстырып келген көне керуен жолдарының желісі. Мақалада Ұлы Жібек жолының Қазақстан аумағында сауда мәдениетінің дамуына, қалалардың өсіп өркендеуіне тигізген ықпалы Жайық өзені жағасындағы Сарайшық қаласы мысалында баяндалады. Шығыс Дешті-Қыпшақтың көрнекті қалаларының бірі - Сарайшық туралы, көне шаһардың қалыптасу, гүлдену, құлдырау тарихын зерделеу Қазақстанның көне қалалар тарихын зерттеуге қосылған үлес болып табылады. Осы орайда автор Сарайшық қаласы орнына тікелей қазба жұмыстарын жүргізіп, зерттеген археолог Н.Арзютов, Е.Г.Агеева, Ә.Х. Марғұлан т.б. ғалымдардың еңбектері негізінде өзіндік тұжырымдар жасайды. Сарайшық қаласының мәдени, әкімшілік, сауда орталығы ретінде көркейіп дамуындағы Ұлы Жібек жолының алатын орнын деректік негізде қарастырады