Осы мақалада 1870 жылғы 16 маусымда қабылданған Қала Ережесін ендіру кезіндегі «Сайлаушылардың тізімдерін дайындау үшін құрылған Комиссияның» жұмысын ұйымдастыру үдерісі қарастырылады. Мақаланың негізіне арқау болған Қазақстан Республикасының Орталық Архивінде сақталған, сирек материалдар мен құжаттардың негізінде Комиссия жұмысының тарихы қалпына келтіріліп, 1877 жылғы Верный қалалық Думасының өкілдерін бірінші рет сайлауын ұйымдастырудың алдын ала дайындық жұмыстарының жүргізілуіне алғаш рет баға берілді. Сайлаушылар тізімін жинау мен нақтылауда, сонымен қатар, электоратты-қала тұрғындарын алда келе жатқан сайлауға дайындау үрдісін көрсететін маңызы зор оқиғалар желісі қалпына келтірілген. Тарихи зерттеу нәтижесінде, Верный қалалық Думасына кейінгі барлық сайлау науқандарының ұйымдастырылуына арқау материалдар мен алғашқы тәжірибе болған, бірегей деректер алынды.