Мақалада Г. Сент-Джон лорд Болингброктың саяси көзқарасындағы "биліктің еркін жүйесі" тұжырымдамасы талданады. "Еуропалық тепе-теңдік" тұжырымдама еуропалық мемлекеттер арасында өзара қарым-қатынас тарихының негізгі оқиғаларын түсіндіруде бір ғасырдан бері басымдылық танытып келеді. Генри Сент-Джон Болингброк (1678-1751) күштердің тепе-теңдік тұжырымдамасының негізгі сәттерін алғашқылардың бірі болып нақты айқындады. Генри Болингброктың негізгі шығармаларының бірі - "Тарихтың пайдасы және оны зерттеу туралы хаттары", 1735 жылы жазылды. Біз үшін VI хаттың маңыздылығы ерекше, онда Болингброк он бесінші ғасырдың соңында "жаңа тарихтың елге қызмет ету үшін аса құнды" кезеңіне жүгінеді. Бұл хронологиялық межені автор тек Англияның тарихы үшін ғана емес, сонымен қатар бүкіл континент үшін де өзіндік шекара ретінде ұсынады.