Қазіргі таңда Қазақстанның мектеп қабырғасында білім алушы жастары саяси құндылықтарды, өмірлік ұстаным мен мақсат-мұраттардытаңдау қарапайым болмаған тұста өсіп келеді. Сондықтан, саяси мәдениеттің ерекшеліктерін зерттеу арқылы қоғамдық-саяси қатынастардың трансформациясы жағдайында өскелең ұрпақты қалыптастыру тетіктерін зерттеу Қазақстандағы мемлекеттік жастар саясатының міндеттерін шешу тұрғысынан маңызды. Бұл мақалада қазіргі қоғамдағы мектеп оқушыларының саяси санасы мен мінез-құлқына әсер ететін негізгі факторлар анықталған. Алматы қаласының 11-сынып оқушыларына жүргізілген сауалнаманың нәтижелеріне негізделе отырып оқушылардың саясат, елімізде және әлемде болып жатқан саяси оқиғалар, саяси бағдар, әлеуметтік-саяси басымдықтардың сипаты сыңды
жайттардан хабардар болуы мен оқушылардың жастар ұйымдарына қатысуының қоғамдық-саяси белсенділік деңгейіне талдау жасалды.