Дін халықтың мәдениеті мен ділдік бірегейлігінің аспектісін білдіреді.Оның қазақ мәдениеті контексінде, дінаралық, саяси ,тарихи ,мәдени-танымдық құндылық түрінде алатын маңызы зор.   Мақалада, қазақ қоғамындағы діни көзқарастардың идеялық бастаулары мен бағыттары және дүниетанымдық көзқарасының ерекшеліктері қарастырылады.

Қазіргі Қазақстандағы ықтимал конфессияаралық шиеленістер мен қақтығыстардың алдын алу , оның себептері мен салдарын талдау, ұлттардың конфессияаралық келісімі мен бірлігін нығайту мәселелері баяндалады.Бұл зерттеудің  дін саясаты  мен дінаралық  диалог,мәдени ықпалдасу мәселелерімен айналысатын мемлекеттік және қоғамдық ұйымдар үшін қолданбалық мәні зор болып табылады.

Зерттеу әдістемесі этносаралық және конфессияаралық қатынастардың өзара байланысын, ресми статистика мен академиялық зерттеулердің нәтижесі негізінде талданып жазылды. Зерттеу нәтижелерінде қазақ халқының танымындағы ислам дінінің терең тарихи орны және бүгінгі таңдағы құндылық мәні көрсетілген. Діннің қоғамдағы әсері өмірдің әртүрлі салаларындағы ықпалы, атап айтсақ, мәдени руханиятымызда, білім беруде, отбасылық қатынастарда да айрықша сезілетіндігі бағамдалған.

Зерттеудің нәтижелері мен қорытындылары діни төзімділікті қалыптастырып, дінаралық ынтымақтастықты дамытуға бағытталған әлеуметтік бағдарламаларды әзірлеу үшін, сондай-ақ ұлт саясаты мен  руханиятымызды жетілдіруде пайдаланылуы мүмкін. Сонымен қатар, діни және этномәдени зерттеулер саласына қатысты мәліметтердің қатарын толықтырады.