Әрбір адамның тарихты, әсіресе өз Отанының тарихын білуінің маңызы зор. Отан тарихында өткен және болып жатқан өзгерістер мен қазіргі заманның күрделі проблемаларын зерделеуде жоғары оқу орында Қазақстан тарихы курстарын оқытудың мүмкіншілігі зор.

Зерттеудің мақсаты-жастардың бойына азаматтылық пен елжандылық сезімдерді қалыптас-тыруда жоғары оқу орындарында Қазақстан тарихын оқытудың тәрбиелік-танымдық мақсаты, міндеттері, мүмкіншіліктері, маңызы мен әдістемесін негіздеу. Осындай маңызды міндеттердің бірі – ЖОО-нда Қазақстан тарихы курсын оқытуда студенттерге сапалы білім беру, еліміздің тарихын, тілін, салт-дәстүрін оқыту, отансүйгіштік сезім мен ұлтаралық келісімге тәрбиелеу, олардың тарихи санасын қалыптастыру және шығармашылық қабілеттерін дамыту болып табылады.

Нәтижелер: Қазақстан тарихының ежелгі заманнан бүгінге дейінгі негізгі даму кезеңдеріндегі этникалық, әлеуметтік және мәдени дамуының маңызды мәселелері қарастырылады. Қазақстан тарихының гуманитарлық білім беру жүйесіндегі орны, әлемдік тарихи процестегі Қазақстанның орны мен рөлі туралы жалпы ұғымды  қалыптастыру, Қазақстан тарихының өзекті мәселелерін толық және объективті  ашып көрсетудің  қажеттілігі  талқыланады. ЖОО-нда Қазақстан тарихы курсын оқытудың білім алушыға сапалы білім берудегі, азаматтылық пен елжандылыққа тәрбиелеуге, олардың шығармашылық мүмкіндіктерін дамытудағы мүмкіндіктері және өзекті мәселелері ашып көрсетіледі.