Мақалада Алаш қайраткері Жанұзақ Әлжанұлы Жәнібековтің «Айна» және «Балалар бәдуәмі» кітаптары мен оның «Қазақ» және «Кедей» газеттерінде редактор болып қызмет атқарған кезеңде жариялаған еңбектері талданды. Соның ішінде талданған еңбектердің мән-мағынасы мен автордың жеткізгісі келген ойы зерттелді. Жанұзақ Әлжанұлы әртүрлі тақырыптарда мақалалар жариялағанымен, оның астарында қозғаған басты идеясы бір болды. Ол – қарапайым еңбекші қазақ халқының оқу-білімге деген сауатын ашу.

«Қазақ» және «Кедей» газеттерінде редактор болып тұрған кездегі жұмысты тиімді үйлестіру арқылы газет аудиториясын арттыра білді. Оның тұсында, әсіресе халыққа арналған «Кедей» газетіне сұраныс артты. Осы арқылы оның стратегиялық жұмысының ықпалы бүкіл қазақтарға әсер еткенін байқауға болады. Бұл дегеніміз – алаш қайраткерінің халықтың сауатын ашып, рухын жігерлендіру, қыз яки ұл демей теңдей білім алу арқылы ғана дами алатындығымызды, тәуелсіз бола алатындығымызды жеткізген.

Алаш қайраткері Жанұзақ Әлжанұлының халықты оқу-білімге тартудағы шеберлігі нақты ғылыми дәйектер мен тарихи сандар арқылы тұжырымдалып, деректеледі. сондай-ақ, «Айна» кітабының мұрағаттағы түпнұсқасы пайдаланылып, жазбаның идеологиялық астарын талдауда нақты үзінділер пайдаланылды.