Қазіргі уақытта азаматтық бірегейлікті қалыптастыру маңызды міндеттердің бірі болып табылады. Айта кету керек, бұл проблема әлемде болып жатқан оқиғаларға және жаһандану процестерінің дамуына байланысты ерекше өзектілікке ие болады. Мұндай жағдайларда әлемнің ақпараттық интеграциясы жеделдетіледі, оның маңызды тетіктерінің бірі бұқаралық ақпарат құралдары болып табылады. Азаматтық бірегейлік өзін белгілі бір топтың немесе қауымдастықтың мүшесі ретінде субъективті қабылдауы ретінде сипатталады. Әр түрлі елдерде азаматтық бірегеліктің мазмұнының әртүрлілігі айтып кету жөн. Алайда, көптеген зерттеу жұмыстарында азаматтық бірегейлік адамның бір қауымдастыққа топтық мүшелік сезімі ретінде түсіндіріледі. Бұл мақалада азаматтық бірегейлік патриотизм, азаматтық белсенділік, саяси мәдениеттің белсенді көрінісі сияқты саяси ғылымның категориялары аясында қарастырылады. Бұл ретте бұқаралық ақпарат құралдарының көмегімен берілетін құндылықтарға, бағдарларға және дәстүрлерге ерекше назар аударылады. Азаматтық сәйкестілік жүргізіліп жатқан ақпараттық саясатқа байланысты тұрақты өзгеріске ұшырайды, белгілі бір кезеңдерден өтеді және индикаторларды өзгертеді. 

Жұмыста бұқаралық ақпарат құралдарының азаматтық бірегейлікті қалыптастыруға тигізетін әсеріне талдау нәтижелері келтірілген. Талдау объектісі ретінде отандық теледидар арналарының мазмұны таңдалды. Зерттеу нәтижесінде үлкен аудиторияға ие телеарналар азаматтық бірегейлікті қалыптастыруға әсер ететін құралдардың бірі екендігі анықталды.