Мақалада 1941-1945 жылдар аралығындағы Батыс Қазақстан облысындағы қала мен ауылдағы қыз-келіншектердің күнделікті өмірін зерттей отырып, Орал өңіріндегі әйелдердің күнделікті өміріне Ұлы Отан соғысы әкелген ауыртпалықтар мен қиыншылықтар және олардың жеңіске қосқан үлестері, сондай-ақ білім аясындағы атқарған рөлдері қарастырылған.

Авторлар мұрағат құжаттары деректері мен ауызша тарих деректерініңматериалдары негізінде соғыс жылдарындағы әйелдердің білім аясындағы күнделікті әлеуметтік өміріне талдау жасайды.Сондықтан да отандық тарих ғылымында бұрындары идеологиялық талаптарға сәйкес біржақты қарастырылған немесе бұрмаланған тарихи оқиғалар мен құбылыстардың тың деректік материалдар негізінде, ұлттық мүдде тұрғысынан сараланып, ой елегінен өткізілгені абзал. Бұл ретте Ұлы Отан соғысы кезіндегі Кеңестік әйелдердің, соның ішінде Батыс Қазақстан облысының қыз-келіншектерінің күнделікті өмірін объективті тұрғыда зерттеудің қажеттігі назардан тыс қалмауы тиіс.