Қазіргі жаһандану дәуірінде, әсіресе интернет пен технологиялардың қарқынды дамуы кезеңінде өте тез жылдамдықпен таралатын ақпараттар ағымының уақыт өте ауқымды бола бастауы, сонымен қатар, олардың тарататын ақпарат мазмұнының көптүрлі көзқараста өзгеріске ұшырауы әлемдік медиа саласында өзектілігін арттырып келеді. Кез келген мемлекет үшін өз халқына шынайы әрі мазмұны бай ақпаратпен қамтамасыз ету, ал шет елдік мемлекеттер арасында беделін сақтау мақсатында ақпараттық саясатты дұрыс жүргізу бірден бір маңызды рөл ойнайды. Бұл мәселенің астары интернеттің келуімен тіптен күрделене түсті. Сол себепті, Қазақстан өз имиджін қорғау және сақтау мақсатында ақпарат таралу толқынын реттеу, қолдау, және оны дамыту саясатын қолға алуы тиіс. Тәуелсідікті қайта қалпына келтірген сәттен бастап, елдің ақпарат таратушы медиа немесе, жалпы, БАҚ саласы туралы қабылданған шаралар, реформалар, тіпті заңнамаларға қарамастан, мемлекеттің ақпарат арналарындағы келеңсіздік пен жұмысының тарлығы бүгінде өзекті мәселе болып отыр. Сол себепті, осы аталмыш мақалада Қазақстанның ақпараттық-имидждік саясат тұрғысында кел келген дәрежедегі ақпараттық арналарды қолдау, басқару және дамыту туралы зерттеу жүргізіліп, соңғы өзгерістерге сай ұсыныстар ұсынылады.