Ұсынылған мақалада авторлар ХІХ ғасырдың ІІ-жартысы мен ХХ ғасырдың басындағы Дала өлкесінің аграрлық отарлаудың имперлік тәжірибесі аясында тарихнаманың қалыптасуы мен даму жағдайларын ашып көрсетуді қарастырады. Дәл осы кезеңде Дала өлкесін отарлаудың жаңа мәселелері туындады, әкімшілік-аумақтық және әлеуметтік-экономикалық реформалар жүргізу мақсатында Ресей империясы аграрлық отарлау және аумақтарды ғылыми сараптауды жүргізе бастады. Императорлық Орыс Географиялық қоғамының Батыс-Сібір бөлімінің қызметкерлерін, шенеуніктерін тарта отырып, қоныс аудару агенттіктердің өкілдері ретінде Дала өлкесін отарлау бағытында өз үлестерін қосып, өңірдің дамуының империялық аспектісін дәлелді дәйектер арқылы тұжырымдама жасады.