Швеция елшісінің қызы ЭльзаБрендстрем 1888 жылы Ресейдің астанасы Петербургте дүниеге келген. Балалық шағын Швецияда өткізген Эльза 1908 жылы Петербургке оралды. Бірінші дүниежүзілік соғыс басталған кезде ол Ресей армиясында ерікті медбике болуды сұрады. Ол Швецияның Қызыл Крест комиссиясында қызмет етіп, Сібір мен Түркістандағы түрік жауынгерлерімен қатар неміс және австрия-лық сарбаздар туралы өз бақылаулары мен бағалауларын жазып алды. Брендстрем соғыс тұтқындарының ұлты, қай қалаларда, қандай жағдайда өмір сүргені туралы жазды. Әскери тұтқындарға көрсеткен көмегі-нің арқасында «Сібір періштесі» атанған ЭльзаБрендстрем сол кездегі газеттерге жолдаған мақалалары-мен Америка және Еуропа жұртшылығының назарын соғыс тұтқындарына аудара білді. Соғыс кезінде Брендстрем Петербург, Мәскеу, Киев, Томск, Орынбор, Иркутск және Алтай аймағы қалаларына көмек науқандарын тасымалдауға жауапты болды. Батыс Түркістанға саяхат жасаған Брандстрем соғыстың соңында (1921) аймақта тұратын түріктердің мәдени, экономикалық, діни және күнделікті өмірі туралы өз бақылауларын жариялады. Газетте түрік әскери тұтқындарының жағдайы, әсіресе оның түрік халқына қатысты тұжырымдары швед медбикесінің көзқарасымен бағаланады.