Бүгінде республика аумағынан тыс 5 миллионнан (7 млн) астам қазақ диаспорасының өкілдерінің басым бөлігі (90%) республикамен шектесетін шекаралас мемлекеттерде тұрады. Дүниежүзінің отыз бес еліндегі қазақ мәдени орталықтары және бөлімшелерімен Дүниежүзі қазақтарының қауымдастығы бірлесе жұмыс жасайды. Жыл сайын шетелдегі қазақтардың кіші құрылтайларын өткізу дәстүрге айналған.
Мақалада дүниежүзі қазақтарының республика аумағында шақырылған бес құрылтайдан басқа алыс -жақын шетелдере өткен кіші құрылтайлар қарастырылған. Еуропада, Ресейде, Орталық Азия мемлекеттерінде өткен кіші құрылтайларда қазақтың ұлтық болмысын сақтау, тілі мен мәдениетін өркендету және қазақ халқының бүгіні мен болашағы туралы айтылған ой-пікірлер қамтылды. Дүниежүзінің әлеуметтік-экономикалық кеңістігінің біртұтас интеграцияға ұшырап, жаппай жаһандану процесі жүріп жатқанда дүниежүзіндегі қазақтар өзіндік этникалық келбетін және ұлттық бірлігін сақтау, рухани құндылықтарын дәріптеуде шетелдерде шақырылған кіші құрылтайлардың маңызы көрсетілген.