Адамдар мұнай туралы ерте заманнан бері білетініне қарамастан, белсенді мұнай өндіру тек XIX ғасырдың аяғы мен XX ғасырдың басында басталды. Қазақстан мұнай кен орындарын іздеу мақсатында аумақты географиялық және гидрогеологиялық зерттеулерді бастаған алғашқы елдердің бірі болды. Бүгінгі таңда елімізде ауқымды мұнай қоры бар, оны өндіру және экспорттау белсенді түрде жүргізілуде. Дегенмен, еліміздің мұнай өнеркәсібінің тарихы соншалықты ұзақ емес – 122 жылдан сәл астам. Қазіргі таңда еліміз үшін әлемдік озық тәжірибеге негізделген индустриялық-технологиялық стратегияны қалыптастыру өте маңызды. Қазіргі дамыған мемлекеттердің барлығы белгілі бір тарихи кезең ішінде өндірістің өсуі алдымен адам еңбегін көп қажет ететін жолдан өтіп, капиталды, техника мен ғылымды қажет ететін өндіріс деңгейіне жетті. Сол сияқты Қазақстан да жас мемлекет ретінде қиындықтарды еңсере отырып, осы кезеңдерден өтуге мәжбүр болды. Шикізат өндіруге ғана ден қойған елдің деңгейінде қалмау үшін жоғары технологияға негізделген әлемдік деңгейдегі өнім шығаратын саланы дамытуымыз керек.

Бұл мақаланың мақсаты – осыншама қысқа мерзімде еліміздің әлемдік мұнай өндіруші елдердің біріне айналуына қол жеткізген негізгі тарихи кезеңдерді зерделеу. Бұл жұмыста мұнай өнеркәсібінің дамуының алғышарттары қарастырылады, оның қалыптасуының негізгі кезеңдері талданады, сонымен қатар Қазақстан Республикасындағы мұнай өнеркәсібінің қазіргі жағдайына қысқаша баға беріледі.