Мақалада қазақ өлкесінде егіншіліктің табиғи климаттық жағдайға байланысты даму ерекшелігі орыс саяхатшылары еңбектері негізінде қарастырылады. Аталмыш зерттеулерді талдай келе, қазақ өлкесіндегі егіншіліктің негізгі ошақтары айқындалып, Жетісу өлкесіндегі егіншіліктің даму үрдісі мен аймақтық ерекшелігі Ресей зерттеушілерінің ғылыми мұралары арқылы талданады.
Саяхатшы еңбектерін дереккөз ретінде талдай келе, Жетісу өлкесінің егіншілігі арнайы түрлерге бөлінгендігі жөнінде тұжырым жасалады. XVIII-XIX ғғ. егін шаруашылығының көшпелі мал шаруашылығынан кейінгі қосалқы шаруашылық ретінде орын алуы, қазақ өлкесінің аймақтық ерекшелігіне байланысты дамығандығы жөнінде қорытынды ой беріледі.