Мақала тәуелсіздік жылдарындағы Қазақстан Республикасының сыртқы саясатын зерделеуге арналған тарихи-саяси іргелі еңбектерді тарихнамалық тұрғыда саралауға арналған. Авторлар осы бағытта жазылған еңбектерді мәні мен мазмұнына қарай шартты түрде бірнеше топқа жіктейді. Сонымен қатар саралауды хронологиялық жүйед іске асыруға ұмтылған. Авторлар тарихшылар, саясаттанушы және дипломаттардың көрсетілген проблемаға қатысты еңбектерін бөліп-жармай тұтас бірлікте, өзара байланыс тұрғысында зерделейді. Зерттеушілердің барлығы Қазақстан Республикасының халықаралық аренада тек қатардағы қатысушы емес, оның белсенді әрекет етуші, халықаралық қауіпсіздікті нығайтуға елеулі үлес қосушы субъектісі ретінде орныққанын сипаттайтынын көрсетеді. Мақала авторлары ғылыми еңбектерді еңбектерін талдай келе сыртқы саясат тарихына қалам тартқан зерттеушілер өздерінің концептуалды тұжырымдарын Елбасы Н.Ә.Назарбаев пен Қ-Ж.К.Тоқаевтың ұсынған теориялық және әдіснамалық ұстанымдарына сүйеніп жасағанын айқындады. Елбасы Н.Ә.Назарбаевтың тәуелсіз елдің сыртқы саясатын негіздеуші, оның тұжырымдамасын жасаушы, басым бағыттарын айқындаушы, қалыптастырушы және 30 жылға таяу уақыт аралығында сыртқы саясатты жүзеге асырудағы басты тұлға болғаны туралы бірауызды пікір қалыптасқандығын дәлелдейді.