Мақалада Қазақстандағы 1920 - 1922 жылдардағы аштықпен күрес туралы айтылады. Аштықтың кесірін тоқтатуда Қазақстан өкіметінің барлық мүмкіндікті пайдаланғандығы туралы айтылып, бұл құбылыстың республика тұрғындары үшін апатты жағдайына Орталық Кеңестік биліктің назарын аудартқандығы көрсетіледі. Мәскеуден жанды көмек көрсетуге ұсыныстар жасалып, тарихының өзіндік ерекшелігі бар, Кеңес өкіметінің алғашқы саяси, экономикалық, мәдени, тағы да басқа бағыттардағы бейбіт құрылымдарының жүзеге асыру барысындағы қиындықтар мен қайшылықтар туралы айтылады.

Көрсетілген мерзімде Кеңес өкіметі дағдарысқа ұшырап, өнімділігі құлдырап, тоқырауға ұшыраған экономиканы аяғынан тұрғызу және оны одан ары дамыту шараларын қолға алып, сонымен бірге бұл аса маңызды қадамды қысқа мерзімде аяқтау жоспарланды. Бұл кезде Кеңес өкіметі барынша экономикалық құлдырау сатысына аяқ басқан еді. Ал оның арты жаңа толқулар, төңкерістерге алып келетіндігі айғақтана түсті.

Ресейдегі 1920 жылдардағы оқиғалар, азаматтық тартыс елдің барлық саласына аса үлкен қирау, құлдырау, тоқырау, тұрғындарына күйзеліс, кедейшілік пен аштық әкелуінің себептеріне тоқталған. Сонымен қатар мақалада аштықтың себеп – салдары мен жалпы ғылыми тұжырымдалары туралы ой жынақталып, ғылыми ұстанымдар алға қойылған.