Бұл мақалада Қазақстан Республикасында тәуелсіздік жылдарында этносаралық келісім, этномәдени орталықтардың құрылуы және қызметі қарастырылған. Сондай-ақ, Қазақстан халқы Ассамблеясының Президент жанындағы консультативті-кеңесші орган ретінде құрылуы, облыстарда Кіші Ассамблеялардың қалыптасуы және республика бойынша этномәдени орталықтардың құрылуы мен атқарған жұмыстары туралы нақты мәліметтер келтірілген.
Қазақстандағы этномәдени орталықтардың 1989-2019 жылдар аралығындағы қызметі туралы деректер облыстық және республикалық архивтерде сақталған. Сондықтан, архив деректері мен ғылыми әдебиеттер пайдаланылып, қоғамдық келісімнің дамуы мен тұрақтылықтың қалыптасуына қызметі зерделенген.