Мақалада авторлар қазақ дәстүрлі қоғамындағы жануарлардың әлеуметтік-құндылықтық иерархиясын қарастырады. Мұндай қоғамда жануарларды, әсіресе үйдің малын, оның құндылықтық рөліне қарай құрметтеу көзқарасы тән болды. Кейбір жануарлар адамдармен бірдей әлеуметтік иерархия деңгейіне орналастырылды. Мұндай жануарға қазақтар жылқыны жатқызды, өйткені ол тек қана экономикада ғана емес, сонымен қатар қазақтардың әлеуметтену процесінде де негізгі жануар болып саналды. Жылқыдан басқа, қазақ дәстүрлі қоғамында екі құстың әлеуметтік- құндылықтық ерекше мәртебесі болды, оларға аққу мен бұлбұл жатқызылды. Бұл феномен қазақтардың көшпелі өмір салтына байланысты пайда болып, олардың сана-сезіміне, ырым-тыйымдарына, тұрмыс-тіршілігіне және жалпы көркем мәдениетіне ықпал етті.