Реформа мен “есікті айқара ашу” саясаты нәтижесінде Қытай Халық Республикасы (ҚХР) дара әрі ерекше даму жолына түсті. Қазіргі уақытта COVID-19 пандемиясы экономикалық құлдырау салдарын келтіріп шығарып отыр, осындай ерекше жағдайда әлемдегі барлық елдер үшін даму ең өзекті мәселе болып табылады. Өткен жылдардағы даму тұжырымдамасының эволюциясын және ҚХР-дың даму тұжырымдамасын түсініп білу бүкіл әлем елдерінің дамуы үшін теориялық жақтан қолдау көрсете алады.

Бұл мақалада Екінші Дүниежүзілік соғыстан кейінгі әлемдік академиялық айналымдағы «даму» тұжырымдамасының эволюциясы қарастырылған. Бастапқыда даму тұжырымдамасы тек экономикалық өсумен анықталды, бірақ көп ұзамай бұл тұжырымдама кеңейтілді яғни, әлеуметтік факторларды және халықтың жеке басына деген қамқорлығын қосты, нәтижесінде бұл нағыз лайықты даму тұжырымдамасына айналды.

Әлемдегі даму теорияларының эволюциясы ҚХР-дың ерекше ұлттық жағдайларына негізделіп және негізгі әлемдік тұжырымдамалармен қосыла отырып ҚХР-дың даму тұжырымдамаларына үлкен әсер етті. Жоғары сапалы даму - бұл ҚХР-дағы даму теориясының соңғы жетістігі және ҚХР академиялық қауымдастығының кең пікірталастарын тудырды. Елдегі негізгі әлеуметтік қайшылықтарға сүйене отырып, Қытай ғалымдары бұл тұжырымдаманың мазмұнын тұрақтандырды, сонымен қатар арнайы салаларға қатысты нақты талқылаулар жүргізді.