Мақалада Талдықорған қаласының табиғи ортасына (су бассейніне) өңірдің антропогендік жүктемесінің әсері қарастырылды. Сондай-ақ, ғылыми жұмыста табиғи ортаның жай-күйіне экологиялық баға берілді, қаланың су бассейні аумағындағы қоршаған орта компоненттерінің экологиялық шиеленісіне есептеулер мен талдау жүргізілді; су объектілеріне ағызылатын сарқынды сулардың сипаттамасы жүргізілді (2016-2019 жылдардағы ластаушы заттар төгінділерінің динамикасы); өңірдің экологиялық жай-күйін қолдау бойынша ұсынымдар әзірленді.
Ғылыми жұмыста Талдықорған қаласы өнеркәсібі қызметінің негізгі түрлерін жүйелі тәсіл деңгейінде талдау; кәсіпорынның табиғат қорғау қызметі мақсатында өндіріс технологияларымен толық көлемде танысу; "Жасыл" технологияларды жетілдіру және тиімділігін арттыру тұрғы-сынан "Жасыл көпір" бағдарламасын қарастыру; табиғат қорғау іс-шаралары жоспарын енгізудің нәтижелілігі мен тиімділігін толық бағалау мәселелері пысықталды