Ұлы ақын, гуманист Абайдың шығармашылығы өз елінде ғана емес, әлем халықтарына танымал. Оның шығармалары өмір шындығымен қабаттасып жатыр. ХIX ғасырдың соңында жазылған ақынның мұралары балалары, туыстарының, оның шығармасына қызығушылық танытушылардың жинақтаған қолжазбалары кейінгі ұрпақтарға жетті. Қолжазбалар ақын Абайдың шығармаларының насихаттауда елеулі рөл атқарды.
Бұл мақалада Орталық ғылыми кітапхананың сирек қорында сақтаулы Зейнелғабиден ибн Әміренің, Мүрсейіт Бікеұлы, Нүгербек Құдабайұлы және т.б. жинақтауындағы Абай мұралары қолжазбасының нұсқалары саралана талданып, ондағы өзгерістер, айырмашылықтар, ұқсастықтар айқындалады. Абай өлеңдерінің қолжазбаларының сақталу барысы мен олардың Орталық ғылыми кітапханаға әкелу барысы да нақтыланып көрсетіледі. Абай қолжазбаларына қатысты жазылған ғалымдардың ғылыми тұжырымдары мен осы қолжбамен қолдану барысына тоқталады.