Мақала авторы ХІХ ғасырдағы ағылшын-ауған соғыстары Ауғанстан мен ауғандықтардың бейнесін ағылшындық бірегейлікте дамытушы фактор ретінде талдайды. Мақаланың мақсаты – соғыстың Ауғанстан мен ауғандықтар бейнесін Англияда өзгертуші фактор ретінде талдау болып табылады. Автор ауғандықтардың этникалық, лингвистикалық және діни тұрғыдан жағымсыз бейнелерінің пайда болуына әкеліп соқтырған ағылшын-ауған соғыстары ауғандық бейнелердің ағылшындық саяси және этникалық түсініктің қалыптасуына тікелей түрткі болды деп санайды. Егер бірінші ағылшын-ауған соғысы ауған образдарының қалыптасуына түрткі болса, екіншісі алғашқы стереотиптерді, британдық сәйкестіктегі ауған бейнелерін жаңарту мен визуализация үдерістерін күшейтті. Аймақтағы ағылшын әскерлерінің сәтсіздігі Ауғанстан туралы жағымсыз бейнелердің қалыптасуына әкелді. Нақты нәтижелердің болмауы үшінші ағылшын-ауған соғысының басталуына әсер ете отырып, ауған бейнелерінің одан әрі дамуына түрткі болды. Автор екінші ағылшын-ауған соғысынан кейін ауғандықтар Ұлыбритания мен Ресей империялары арасындағы буферлік аймақ ретінде елестетіліп, өз территориясында ағылшындардың саяси мақсаттарына қол жеткізу әрекеттерін пассивті түрде бақылауға мәжбүр болды деп санайды. Соғыс империялық бірегейліктің қалыптасуы мен трансформациясы шеңберінде британдық түсініктегі ауғандық бейнелердің дамуына түрткі болды деп саналады.