Мақалада 1941-1945 жылдардағы Ұлы Отан соғысы жылдарындағы Сталинград шайқасының тарихы қарастырылған. Мақалада фашистерге қарсы күреске Ұлы Отан соғысындағы кеңестер халқымен бірге қазақстандықтардың да мобилизациялануы, олардың қосқан үлесі, жеңіске жетудегі халық ролі мен оның басты факторлары туралы айтылады. Адамзатқа орасан зор қасірет әкелген соғысқа кеңес әскерлерімен қатар қатар тылда еңбек еткен әйелдер, балалар мен қарттар бірдей қатысып, Отан қорғау жолында ерліктің үлгісін көрсеткені баяндалады. Майдан даласындағы ұрыстардағы ерлікпен қатар тыл еңбеккерлері де тіліне, тегіне, ұлтына қарамастан күні-түні қажырлы еңбек етті. Осыған орай мақалада бүкіл Кеңестер елі халқының соғысқа өз үлесін қосуы соғыстың зұлматқа қарсы халықтық сипаттағы соғыс болғаны туралы тұжырым жасалады.