Мақалада Қазақстан мен Ұлыбритания арасындағы өзара қарым-қатынастардың жай-күйі мен даму перспективалары зерделенеді. Британдық Брекзитке дейін екі ел арасындағы ынтымақтастық екіжақты және көпжақты негізде жүзеге асырылды. Қазіргі уақытта екі тәуелсіз мемлекеттің өзара іс-қимылы жоғары деңгейге жетті және әртүрлі салалардағы қатынастардың кең спектрімен сипатталады. Энергетика, пайдалы қазбаларды барлау және өндіру, көлік және байланыс, сондай-ақ қаржы және банк секторы сияқты салалар басым болып табылады.
Ұлыбритания Қазақстанның маңызды сауда серіктесі және ірі инвесторлардың бірі болып табылады. Соңғы жылдары денсаулық сақтау, ғылым және мәдениет саласындағы ынтымақтастық өте маңызды болып отыр.
Екі ел арасындағы қарым-қатынастарда консалтингтік және қаржылық қызметтер ерекше орын алатыны атап өтілді. Мәселен, "Астана" халықаралық қаржы орталығының жұмысы ағылшын құқығына негізделген және төрелік судьялар ретінде британдықтар шақырылды. Короновирус пандемиясына байланысты біршама тыныштық пайда болды, алайда тараптар барлық бағыттар бойынша ынтымақтастықты одан әрі жалғастыруға және тереңдетуге келісті.