Мақалада ХХ ғасырдың 80-90 жылдарындағы кеңес үкіметінің шығармашылық интеллигенцияға қатысты кереғар саясаты қарастырылған. Сонымен қатар автор ұлттық бірегейлікті жоғалту қаупі туралы мәселені қазақтың шығармашыл зиялылардың қайта құру уақытына дейін, жылымық және тоқырау кезеңінде әр түрлі жиындар мен съездерде өткір қойылғандығын ашып көрсеткен. Қоғамдағы дағдарыстың тереңдеуімен әлеуметтік және этникалық қайшылықтар шиеленісе беруімен ол 1986 жылы Алматыда қазақ студенттерінің көтерілісіне ұласқандығы белгілі. Дүниежүзін дүр сілкіндірген осы желтоқсан көтерілісі қазақ жерінде халқының намысымен өлшенетін ұлттық сана-сезімі жоғары жаңа ұрпақтың келгенін дәлелдеді. Және де мақалада жас ұрпақтың, әсіресе Мәскеуде білім алып жүрген қазақ жастарының көзқарастары мен іс-әрекеттері саяси жүйеге лайықты тойтарыс бергендігі талданған. Сонымен қатар Мұхтар Шахановтың да әрекеттері назардан тыс қалмаған.