Отандық тарих ғылымында Қазақстандағы жер мәселесіне арналған бірыңғай ғылыми зерттеулер жоқтың қасы. Біз қарастырып отырған мәселені аграрлық, экономикалық-шаруашылықтық, т.б. мәселелерге қатысты жазылған еңбектерден кездестіруге болады. Дегенмен, олардың дені кеңестік кезеңде дайындалғаны белгілі. Сол себепті де көп жағдайда тарихи еңбектерді талдауда, саралауда және бағалауда біржақтылық кездесіп жататындығы да заңды. Дәстүрлі басқару жүйесінің жойылуы, қазақ жерінің мемлекеттік меншік есебінде жариялануы, соған байланысты сырттан келімсектердің ағылуы, оларға миллиондаған десятина жердің кесілуі, оның негізі сулы, нулы, шұрайлы да шүйгін алқаптардың болғандығы, ал қазақтардың өздері сортаң, тастақты аймақтарға ығыстырылғаны, міне осы жағдайлар тұрмыс-тіршілігі жерге байлаулы. Сондықтан да Алаш қайраткерлерінің қоғамдық саяси көзқарастарындағы жер мәселесі төңірегіндегілердегі көккейтесті сұрақтар осы мақалада баяндалған.