Мақалада Қазақстанның 1920 - жылдардағы тарихының өзіндік ерекшелігі, азамат соғысынан кейінгі Кеңес өкіметінің алғашқы саяси, экономикалық, мәдени, тағы да басқа бағыттардағы бейбіт құрылымдарының жүзеге асыру барысындағы қиындықтар мен қайшылықтар туралы айтылады.
Осындай жағдайдағы Қазақстанда мемлекеттіліктің саяси - экономикалық, әлеуметтік, мәдени, т.б. салалардағы іргетасын қалауда елеулі жұмыстар атқарылғандығы, бірақ елдегі осы бағыттағы жұмыстар азамат соғысы аяқталғаннан кейінгі аса ауыр жағдайда өткендігі сөз болып, бұл жылдар шаруашылықтың толық күйреуі барысындағы орын алған қоғамның барлық саласын қамтыған қарама-қайшылықтардың терең шиеленісуінің себептеріне талдау жасалады.
Ресейдегі 1914-1920 жылдар аралығындағы бірінші дүниежүзілік соғыс, азаматтық тартыс елдің барлық саласына аса үлкен қирау, құлдырау, тоқырау, тұрғындарына күйзеліс, кедейшілік пен аштық әкелуінің себептеріне тоқталған.