Мақалада ХХ ғасырдың ортасында Шығыс Қазақстандағы неміс диаспораларының қалыптасуы, олардың депортацияға ұшырауы және әлеуметтік жағдайы, демографиялық, миграциялық қозғалысы, мәдени дамуы қарастырылған. Сондықтан да Қазақстандағы диаспоралардың қалыптасуы мен даму тарихын, бүгінгі күн талабы тұрғысынан талданған. Қазақстандағы қомақты диаспоралардың қатарына жататын немістердің шынайы тарихын зерттеуге тәуелсіздік алғаннан кейін ғана мүмкіндік болып отыр. Сондай-ақ, кеңестік саясаттың ықпалына, немістердің арнайы қоныстардағы өмір сүру жағдайларына және олардың аймақ экономикасына қосқан үлесіне ерекше назар аударылады. Немістердің жаңа жағдайларға бейімделуінің және ұлттық болмысының сақталуының ерекшеліктері ашылды. Зерттеу этносаралық келісім мен тарихи қателіктерді түсіну үшін диаспоралар тарихын зерттеудің маңыздылығын көрсетеді.

Тарихшы ғалымдардың біздің еліміздегі диаспоралар жөнінде жазылған еңбектері болса да, нақты Шығыс Қазақстан мен Семей өңірлерндегі неміс диаспораларының даму мәселелері, оның тарихы жөнінде жазылған зерттеулер жоқтың қасы.

Бұл Еуропалық нәсілдің шығыс Қазақстанда қоныстану себептерін, олардың аймақтың дамуы мен өркендеуіне қосқан үлесін тарихи тұрғыдан зерттеу, жаңа тұрғыдан бағалау облыс тарихында ерекше орын алады.